Archivio Storico, persone

Titolo NapoliVI.183Indizione VI26 novembre 1382 Integrazione del titolo Indizione VIData Indizione VI26 novembre 1382 Indizione VI Luogo NapoliPersone Carlo III d'Angiò Durazzo [re di Sicilia] Artois (d'), Roberto [duca di Durazzo] Durazzo (di), Giovanna [duchessa di Durazzo] Luigi I d'Angiò [duca] Vo, GiovanniSetario, FrancescoCalderario, AntonioGrassullo, AntonioPorrello (de), Mazzeo [ciambellano] Schiano, Carlo [famulo] Schiano, Matteo [famulo] Orsini, GiovanniEnti SiciliaGerusalemmeDescrizione Karolus etc. Tenore presentium notum facimus universis earum serie inspecturis, tam presentibus, quam futuris, quod inter maiestatem nostram ex una parte et illustres dominum Robertum de Arthesio et Iohannam ducissam Duratii coniuges, fratrem et sororem nostros carissimos, subscripta capitula, seu conventiones et promissiones habite et convente fuerunt tenoris et continentie subsequentis: «Infrascripta promittuntur illustribus domino Roberto de Arthesio et domine Iohanne ducisse Duratii coniugibus per serenissimum dominum regem Karolum tertium Ierusalem et Sicilie etc.: in primis ubi dicta ducissa operabitur et faciet cum effectu quod castrum Montis Sancti Angeli restituetur et reducatur ad manus dicti domini regis, vel alterius pro parte sua, infra et per totum decimum diem mensis ianuarii primo futuri presentis anni sexte indictionis, dominus rex gratiose remittit omnes culpas, penas et offensas dictis domino Roberto duci Duratii et domine Iohanne ducisse Duratii coniugibus et familiaribus eorum singulis et vassallis terrarum eorum de omni tempore preterito, de omnibus, que possent eis opponi contra eos et ipsorum quemlibet etiam si de crimine lese maiestatis ex quocumque capite arguerentur, exceptis illis qui inciderunt in banno et de omni alio excessu et crimine ac de omnibus aliis penis qualitercumque hucusque impositis, tam corporalibus, quam pecuniaribus et obligationibus, ammissionis, seu privationis bonorum ad quos dictus dominus Robertus et domina ducissa et ipsi familiares et vassalli, vel ipsorum alii, vel alteri incidissent et incidere potuissent virtute et auctoritate quorumcumque pactorum et obligationum factorum et factarum per dictum dominum ducem et ducissam dicto domino regi et domine regine et specialiter de litteris missis per eos duci Andegavie et aliis litteris receptis per eos a dicto duce per manus Iohannis Vo; item dictus dominus rex et domina regina assecurant et firmam assecurationem sub regia et reginali fide promittunt predictis duci et ducisse coniugibus de eorum vita, personis et membris perpetuo et longo carcere quocumque succedente eventu pro tempore in futurum, ita quod quocumque eventu dato in personis, vita et membris per ipsos dominos regem et reginam, nec per alios eorum parte et mandato puplice, vel occulte modo aliquo, seu aliquatenus non offendantur et quod detineri debeant simul et morari ubicumque fuerit persona propria dicte domine regine et unus ab alio separari non debeant toto tempore que erunt detenti, non obstante quibuscumque pactis et capitulis penam privationis vite, membrorum et perpetui carceris continentibus habitis, vel habendis inter eos contradicentibus et adversantibus presenti capitulo et eius effectui, que pro cassis propterea habeantur et quod detinentur sic habiliter quod ex defectu loci in quo detinebuntur, vel ex defectu necessariorum, vel ex asperis et duris modis inferendis eis non aspere opprimantur, nec periculum personale incurrant, nec aliquam infirmitatem, ita quod bene et caritative tractentur, nec etiam opprimantur ex defectu servitorum de quibus ipsi non confiderent; item promittit dictus dominus rex dictis duci et ducisse quod finito tempore presentis turbinis et suspicionis gentis ducis Andegavie ad presens imminentis et existentis in regno prefati dux et ducissa restitui et traddi debeant eorum proprie libertati vere et realiter per ipsos dominos regem et reginam et positi et reducti libere et secure omni occasione remota in locis ubi manere, morari et ire voluerint dux et ducissa coniuges supradicti; item si contigat aliquod, seu aliqua opponi contra dictos ducem et ducissam coniuges qui ponuntur per eos, seu eorum alterum a tempore predicte remissionis in antea fecisse contra fidelitatem regiam ex quocumque capite procedant ex crimine lese maiestatis, eo casu dominus rex promittit procedere ordinarie contra eos eis auditis in iustis eorum defensionibus, si liquide et clare pareat et contra eos constet puniantur dicti dux et ducissa coniuges sicut consuetum est fieri aliis domini regalibus temporibus retroactis per dominos huius regni iustitia mediante; item dictus dominus rex promittit dare dicti coniugibus vitam, alimenta et alia necessaria ubi ipsi non percipient fructus terrarum ipsorum et quod dentur eis familiares, tam mares, quam femine obsequentes illis ad arbitrium dicti domini regis quodque dicta ducissa possit ire libere quando sibi placuerit per castrum, vel locum ubi fuerit dicta domina regina sub custodia danda sibi per dictum dominum regem; item quod dicta ducissa habeat feminas suas infrascriptas, que serviant sibi de die et de nocte et morentur continue secum et in casu quo aliqua ipsarum nollet venire ad serviendum sibi, aut infirmaretur, vel dicta ducissa non contentaretur de ea quod eo casu possit ipsa ducissa alias eligere, vel subrogare sibi placidas usque ad subscriptum numerum septem mulierum, nomina mulierum Sibilia, Lucza, Marutia, Crathessa, Margarita, Ursulina, Loysella et Nayma; item quod dominus Robertus habeat cocum suum Gallicum; item quod dicta ducissa habeat unum capellanum cum uno socio, medicum et magistrum coquine et isti possint intrare de die et servire sibi et de nocte stent extra castrum; item quod illi de consilio dicte ducisse, videlicet, dominus Franciscus Setarius, Antonius Calderarius et notarius Antonius Grassullus possint venire libere et secure et interesse in consilio domine ducisse; item quod dicta ducissa habeat de die et de nocte duos famulos et cambellanum infrascriptos qui serviant ducisse prefate, nomina vero dictorum familiarum et cambellani sunt hec, videlicet, pro cambellano Maczeo de Porrello et pro famulis Carolum et Martino Sclanum. Datum Neapoli, anno Domini millesimo trecentesimo octuagesimo secundo, die vicesimo quinto novembris sexte indictionis, regnorum dictorum dominorum regis et regine anno secundo». Ut autem conventiones et promissiones huiusmodi plenam obtineant roboris firmitatem capitula et conventiones ipsas tenore presentium de certa nostra scientia ratificantes ac etiam confirmantes illas et illa observare promittimus de dicta certa nostra scientia et verbo regie maiestatis siquidem predicta promissa per dictos dominum Robertum et ducissam observabuntur et fient iuxta eorum capitulorum continentiam et tenorem. Has nostras licteras magno nostro sigillo pendenti munitas eisdem coniugibus in huius rei testimonium concedentes. Datum Neapoli, per virum magnificum Iohannem de Ursinis comitem Manuppelli etc. Anno Domini MoCCCoLXXXII, die XXVI novembris VI indictionis, regnorum nostrrum anno II. Bibliografia Archivio di Stato di Napoli, Archivio della ricostruzione della cancelleria angioina, S. Sicola, Repertorium septimum regni Caroli III, f. 77 (not.); ivi, M. Chiarito, Repertorium et index regesti Caroli III signati 1382 et 1383, f. 31 a t. (not.); Istituto storico germanico di Roma, Lascito Sthamer, parte B, b. II, f. 1031 (not.); Società napoletana di storia patria, Carte Ricciardi, b. 1, n° 2 (not.) e n° 5 (not.); C. Minieri Riccio, Notizie storiche tratte da 62 registri angioini etc., Napoli 1877, p. 82 (not.); Saggio di codice diplomatico, ed. Idem, vol. II/I, Napoli 1879, XXVI p. 26 (trasc.); N. Barone, Notizie storiche tratte dai registri di cancelleria di Carlo III di Durazzo, in «Archivio storico per le province napoletane», XII (1887), p. 187 (not.); Chronicon Siculum incerti authoris, ed. J. De Blasiis, Neapoli 1887, p. 82 nota (not.); M. Camera, Elucubrazioni storico-diplomatiche su Giovanna I.a etc., Salerno 1889, pp. 308-309 (trasc.). Segnatura precedente Reg. 359, ff. 134 a t.-135