Archivio Storico, persone

Titolo NapoliVI.141Indizione VI25 settembre 1382 Integrazione del titolo Indizione VIData Indizione VI25 settembre 1382 Indizione VI Luogo NapoliPersone Carlo III d'Angiò Durazzo [re di Sicilia] Pagano, Tommaso [milite, mastro della regia marescialla, ciambellano e familiare] Enti BasilicataTerra di BariDescrizione Karolus tertius etc. Nobili viro Thomasio Pagano de Nuceria militi, marescalle nostre magistro, cambellano, familiari et fideli nostro dilecto, gratiam et bonam voluntatem. Intendentes necessitatibus nostris, quarum oportuna provisio ad habitionem pecunie inter alia dependet, quantum comode possumus salubriter providere et proinde ut illis possimus oportune vias exquirentes congruas atque modos, cum illa, quibus oportuno previdetur in tempore, minus habeant detrimentum afferre. Idcirco te, de cuius probata fide, circumspectionis industria et experientia in aliis nostris negotiis laudabiliter comprobata confidimus ab experto, ad partes provinciarum Basilicate et Terre Bari et ad terras Baroli et Manfridonie super requirenda a nonnullis universitatibus et fidelibus nostris ac specialibus personis provinciarum et terrarum ipsarum, mutuo, pro parte nostri culminis certa pecunie quantitate, pro subveniendo necessitatibus ipsis nostris, decrevimus quam citius profecturum, volentes et fidelitati tue harum serie committentes et mandantes expresse quatenus, statim, receptis presentibus, ad dictas provincias Basilicate et Terre Bari ac terras Baroli et Manfridonie, qui et que tibi propterea videbuntur, ex parte maiestatis nostre requiras ac moneas et inducas expedientibus, suasionibus atque modis ut nobis in istis nostris necessitatibus maiestatem nostram urgentibus debeant de aliquo pecuniali presidio, secundum qualitatem universitatum et personarum quarumlibet, tibi viso, ex innata eis fidelitatis promptitudine, ilariter et celeriter mutui nomine subvenire illudque tibi pro parte nostri culmini mutuare et fideliter assignare convertendum deinde in dictis nostris necessitatibus, que sic urgent, ad cuius subventionis mutuum eisdem nostris consideratis necessitatibus, ut firme credimus, ipsorum fidelitas deflectetur et ut dicte universitates ac fideles nostri et speciales persone ad mutuandum tibi pro parte nostra prefatum pecuniale presidium promptius et celerius animentur, volumus et tibi presentium auctoritate committimus ac licentiam plenariam impartimur quatenus possis et valeas eisdem universitatibus, fidelibus nostris et specialibus personis tibi pecuniam ipsam mutuantibus pro parte maiestatis nostre promittere et firmiter polliceri quod eis iam dictum pecuniale mutuum per ipsos tibi taliter faciendum, mandabimus statim restitui et infallibiliter assignari, nos enim ex nunc, prout ex tunc eisdem universitatibus, fidelibus nostris et specialibus personis sub verbo et fide nostris regalibus presentium tenore promittimus et firmiter pollicemur quod eis iam dictum pecuniale presidium per ipsos tibi pro parte nostra taliter faciendum restituemus et restitui mandabimus indilate ipsosque de illo servabimus et servari faciemus indempnes adeo quod ipsi ad subveniendum nobis in oportunis casibus celerius et promptius quam credatur, cognita nostre maiestatis gratitudine se disponent, peuniam vero totam quam a dictis universitatibus fidelibus nostris et specialibus personis mutuo receperis, ut est dictum, fideliter custodias et conserves ipsamque ad maiestatem nostram deferas, sive mittas, vel de illa facies, prout habebis per alias nostras licteras, vel aliter in mandatis. Facturus fieri iam dictis universitatibus, fidelibus nostris et specialibus personis de quantitatibus pecunie, quas tibi mutuaverint, sub tuo sigillo singulis vicibus apodixas, vel scripturas alias, que illis competant ad cautelam, facturus fieri nichilominus quaternum in quo continentur expresse nomina et cognomina singulorum tibi pecuniam ipsam mutuantium ac quantitatem pecunie tibi taliter mutuande cum distinctionibus et circumstantiis oportunis sigillandum sigillo tuo, quam taliter sigillatum in camera nostra summarie studeas assignare, ut exinde possimus de premissis plenius informari, in premissis igitur te taliter gerere et cum summa diligentia procures habere quod maiestas nostra huiusmodi speratam mutui subventionem consequi valeat teque coram nostro culmine tua votiva executio gratum reddat, has nostras litteras magno pendenti maiestatis nostre sigillo munitas tibi in huius rei testimonio concedentes. Datum Neapoli in camera nostra, anno Domini MCCCLXXXII, die XXV septembris VI indictionis, regnorum nostrorum anno primo. Bibliografia Archivio di Stato di Napoli, Archivio della ricostruzione della cancelleria angioina, S. Sicola, Repertorium septimum regni Caroli III, f. 91 (not.); ivi, C. Borrelli, Repertorium universale etc., vol. II, f. 138 a t. (not.); ivi, M. Chiarito, Repertorium et index regesti Caroli III signati 1382 et 1383, f. 42 (not.); Società napoletana di storia patria, già ms. F.B. IV A 14, oggi ms. Fortunato (trasc.); ivi, ms. XXV A 15, f. 465 (not.); ivi, Carte Ricciardi, b. 1, n° 5 (not.); N. Barone, Notizie storiche tratte dai registri di cancelleria di Carlo III di Durazzo, in «Archivio storico per le province napoletane», XII (1887), p. 28 (not.). Segnatura precedente Reg. 359, f. 246