Archivio Storico, persone

Titolo NapoliV.045Indizione VI27 ottobre 1382 Integrazione del titolo Indizione VIData Indizione VI27 ottobre 1382 Indizione VI Luogo NapoliPersone Carlo III d'Angiò Durazzo [re di Sicilia] Sirleone, Riccardo [chierico] Sirleone, Ligorio [chierico] Bonifacio VIII [papa] Merolinis (de), GentileDescrizione Karolus tertius etc. Capitaneo civitatis Surrenti suique districtus, presenti scilicet et futuris, fidelibus nostris, gratiam etc. Pro parte Riccardi Cirleonis et Ligorii Cirleonis de Surrento nostrorum fidelium fuit nuper maiestati nostre lamentabili expositione monstratum quod cum ipsi existentes clerici coniugati clericaliter viventes fuerint per te presentem capitaneum dicte civitatis, seu de mandato tuo vigore cuiusdam denunciationis facte in nostra curia coram te contra eos de portatione et extractione armorum prohibitorum citati ut in certo et peremptorio termino eis dato in dicta curia comparere deberent et dum in dicta curia veluti obedientie filii comparuissent et fori prescriptionem et exemptionem opponerent et peterent se ad curiam archiepiscopi Surrentini eorum iudicis competentis remicti, tu idem presens capitaneus iis non obstantibus ad certam penam iussisti dari et prestari per eos fideiussoriam cautionem de stando iuri in dicta curia coram te super contentis in denunciatione predicta in ipsorum exponentium preiudicium satis grave, propter quod pro ipsorum exponentium parte fuit serenitati nostre supplicatum humiliter ut cum ex constitutione felicis recordationis domini Bonifacii divina providentia pape octavi clericis talibus dummodo tonsuram et vestes deferant clericales certe forme immunitatis privilegium sit indultum adeo quod pro commissis per eos excessibus, vel delictis trahi non possint criminaliter, vel civiliter ad iudicium seculare iubere per vos eis dictum privilegium observari tenaciter et contra illius tenorem eos dictosque fideiussores ipsorum non molestari charitate dominica dignaremur. Nos ergo quantum bono modo possumus favere volentes ecclesiastice libertati volumus vestreque fidelitati harum serie districte precipiendo mandamus quatenus si dicti Riccardus et Ligorius exponentes fuerint et sint clerici coniugati et clericaliter vivant, portantes tonsuram et habitum clericalem ac cum unica et virgine contraxerint, nec se secularibus negotiis aliisque illicitis questibus immiscant quodque post huiusmodi forte per eum commissum delictum dictum clericalem habitum ut inde penam effugerent non assumpserint eis et ipsorum cuilibet tam tu ipse presens capitaneus, quam vos alii successive futuri, dictum immunitatis privilegium iuxta constitutionem predictam tenaciter et inviolabiliter observetis et contra illius tenorem ad vestrum seculare iudicium aliquatenus non trahatis, nec eos ipsorumque fideiussores et bona pro causa predicta molestetis ulterius quomodolibet, vel turbetis quinimmo ad eorum competentem iudicem quanto citius remictatis revocaturus prorsus in irritum tu predictus presens capitaneus quicquid actentatum est, sive actentari contingit forsitan in futurum contra presentium seriem atque mentem, presentibus post opportunam inspectionem eorum pro cautela remanentibus presentanti. Datum Neapoli per nobilem virum Gentilem de Merolinis de Sulmona etc., anno Domini MoCCCLXXXII, die XXVII octubris VI indictionis, regnorum nostrorum anno secundo. Bibliografia Archivio di Stato di Napoli, ms. Chioccarelli, vol. X, De ritu Magne Curie Vicarie, ff 42 a t.-43 (trasc.); ivi, Archivio della ricostruzione della cancelleria angioina, S. Sicola, Repertorium septimum regni Caroli III, f. 74 e a t. (not.); ivi, M. Chiarito, Repertorium et index regesti Caroli III signati 1382 et 1383, f. 28 (not.); Biblioteca nazionale di Napoli, ms. XI B 3, II numerazione, ff. 48-49 (trasc.); Società napoletana di storia patria, Carte Ricciardi, b. 1 n° 5 (not.). Segnatura precedente Reg. 359, f. 115