Archivio Storico, persone

Titolo NapoliII.238Indizione V09 giugno 1382 Integrazione del titolo Indizione VData Indizione V09 giugno 1382 Indizione V Luogo NapoliPersone Carlo III d'Angiò Durazzo [re di Sicilia] Roberto d'Angiò [re di Sicilia] Criscono, Petrillo [gabelliere del sale di Policastro] Merolinis (de), Gentile [luogotenente del protonotaro del regno] Enti SiciliaGerusalemmePrincipato UltraDescrizione Karolus tercius etc. Petrillo Criscono de Agerulo fideli nostro, gratiam et bonam voluntatem. De fide, industria, sollicitudine et legalitate tua ex palpata experientia, plenarie confidentes, nec minus actendentes merita tue sinceritatis, fidei erga nominis nostri zelum, pro qua illibata servanda dampna plurima et dampnificacionum incomoda noscens multipliciter subiisse et premissorum intuitu in statutum super fundico seu cabella salis civitatis Pollicastri de provincia Principatu citra Serras Montorii, siquidem officium ipsum vacat ad presens quod non sit alteri per maiestatem nostram de illo provisum, duximus usque ad nostrum beneplacitum et quamdiu bene et legaliter te concesseris in eodem cum gagiis et emolumentis consuetis et debitis ac comodo et forma quibus ac si et prout tempori clare memorie domini Roberti Dei gratia Ierusalem et Sicilie regis illustris, officium ipsum concedi extitit consuetum tenorem presentium, de certa nostra scientia fiducialiter ordinandum, recepta a te prius solito fidelitatis de officio ipso exercendo fideliter corporali ad sancta Dei Evangelia iuramento, quo circa volumus tueque fidelitati harum serie mandamus expresse quatenus statim, receptis presentibus, ad dictum fundicum, seu cabellam salis dicte civitatis Pollicastri te personaliter conferens, sic inibi huiusmodi commissum per nos tibi staturie officium studeas diligenter et fideliter exercere ac omnia facere que ad dictum staturie officium noscuntur quoquomodo expectare, ita quod fraus aliqua in dampnum nostre curie nullatenus commictatur, quod possis in conspectu nostro exinde merito commendari laudabiliter, ecce namque cabellotis, seu credenceriis dicti fundici, seu cabelle et aliis ad quos spectat damus ipsarum vigore presencium expressius in mandatis quod te ad predictum stutarie officium ipso beneplacito nostro durante secum recipiant et admictant ac retineant et tractent decenter, ut expedit in eodem tibique prefata gagia et emolumenta alia consueta et exibere provisa quamdiu scilicet huiusmodi staturie officium de nostro beneplacito exercebis, exibeant integraliter et exolvant ac exiberi faciant atque mandent, quibus de hiis que propterea receperis facias suis vicibus apodixam. Datum Neapoli per nobilem virum Gentilem de Merolinis locumtenentem prothonotarii etc., anno Domini millesimo CCC°LXXXII°, die VIIII° iunii V indictionis, regnorum nostrorum anno secundo. Bibliografia Archivio di Stato di Napoli, Archivio della ricostruzione della cancelleria angioina, trasc. di Jole Mazzoleni dall'archivio fotografico, facs. XCVII, 16; ivi, not. di Bianca Mazzoleni da C. De Lellis, Notamenta, vol. VII, f. 50. Segnatura precedente Reg. 358, f. 296