Archivio Storico, persone

Titolo NapoliII.062Indizione V18 marzo 1382 Integrazione del titolo Indizione VData Indizione V18 marzo 1382 Indizione V Luogo NapoliPersone Popleto (de), Antonuccio [ciambellano] Popleto (de), BuonuomoCarlo III d'Angiò Durazzo [re di Sicilia] Orsini, Roberto [milite, capitano alla guerra e riformatore di giustizia in ambedue le province d'Abruzzo e ciambellano] Orsini, Rinaldo [ribelle] Orsini, Giovanni [ribelle] Coppa (de), Buccio [notaio] Merolinis (de), GentileEnti Abruzzo CitraAbruzzo UltraDescrizione Karolus etc. Magnifico viro Roberto de Ursinis domino de Nola, militi, capitaneo ad guerram ac reformatori iusticie in utraque Aprutina provincia, cambellano et fideli nostro dilecto, graciam etc. Sevit atrocius semper improbitas et scelera, continue crassante malitia, truculentius reciperint incrementa si plus quam conveniat regalis decencia pietatis opus exerceat et ad correptionem delictorum lentescat inprovide nervus puplice discipline, insurgendum est igitur ad punicionem excessuum ut, per nostre potencie gladium conculcata protervia, quos inquinavit facinus desinant esse impii, per cultum iusticie celsitudo nostra servetur in solio et procuretur status pacificus in subiectis. Sane sicut fidedigna relacio instrepuit noviter auribus nostris et audivimus displicenter, Raynaldus et Iohannes de Ursinis fratres, in reprobum sensum dati, laxatis in campum eorum malignitatis habenis et nec divine, nec humane metuentes ultionis flagellum, nec expavescentes iudicium et potentiam nostris regis in solio presidentis, quin potius fas omne abrumpentes et in temeritate eorum confidentes, velut avis festinans ad laqueum motibus inordinatis distracti quos potuerunt et debuerunt freno temperantie mitigare, sicut sibi furor, seu impetus persuasit, in odium divine maiestatis, nostri honoris pariter et contemptum, congregato per eos exforcio gentis armigere, equestris et pedestris, … more predoneo et hostili invaserunt castrum Podii de Valle et alia castra et loca viri nobilis Antonucii de Popleto, cambellani et fidelis nostri dilecti illaque, seu illorum aliqua arcius obsederunt ceperuntque violenter castrum Sancti Donati illudque exposuerunt in predam, eripiendo spolia, trucidando, captivando, reddimi cogendo et non parcendo sexui vel etati, ceperunt etiam in ipso furore hostico nonnullos vassallos Antonucii supradicti et certos signanter ad ipsius Antonucii servitia existentes, inter quos cepisse dicuntur notarium Bucium de Coppa, vicarium Antonucii supradicti, illosque captivos detinent [in] scualoribus carceris et compedibus macerando, guerram in regno exinde puplice et notorie commictendo; cum igitur … satis derogetur honori nostro et glorie si ad o[b]viandum incun[c]tanter tam violentiis et apertis sceleribus non insurgeremus gladio puplice discipline, propterea fidelitati tue presencium tenore de certa nostra sciencia districte precipiendo mandamus quatinus, statim, receptis presentibus, non comictendo in hoc desidiam, negligentiam, vel defectum, quantum habes gratiam nostram caram, mandes sub certa formidabili pena, quam proinde videris expedire dictis Raynaldo et Iohanni, se comode per te, vel alium pro parte tua, immo verius nostra, eis dictum mandatum fieri poterit, vel si ex facto suo ad se non pateret aditus, de quo tue consciencie totaliter inheremus, mandes similiter eisdem Raynaldo et Iohanni sub certa formidabili pena per edictum in scriptis puplice et notorie affigendum in aliqua terra vel loco suo, vel alterius fidelis nostri eisdem Raynaldo et Iohanni vicino, unde dicti edicti, vel mandati ad ipsos Raynaldum et Iohannem possit, sicut tibi videbitur, noticia pervenire, quod statim post mandatum tuum, immo vero nostrum, nullo intervallo temporis expectato, removeant campum, seu exercitum et gentem armigeram liberentque ab hobsidione castra et loca dicti Antonucii ac castra et loca ipsiius Antonucii capta per ipsos Raynaldum et Iohannem et presertim dictum castrum Sancti Donati restituant et assignent cum integro statu suo eidem Antonucio liberentque captivos, quos habent de terris et locis Antonucii memorati et potissime dictum notarium Bucium cum rebus et bonis ipsosrum eis assiganndis … quod si fortasse Raynaldus et Iohannes ipsi dictorum mandatorum fuerint contumaces, vel negligentes et illa non curaverint realiter et plenarie adimplere, cum adversus huiusmodi scelerates et reprobos, quos flectere non potuit admonitio regis, ad ipsorum salutem sint arma necessaria … tu statim, nullo alio, vel cuiusvis expectato mandato, procedas contra dictos Raynaldum et Iohannem tue preture viribus ad … persequendum ipsos et sequaces ac fautores suos in causa predicta capiendum et ad ipsorum Raynaldi et Iohannis confusionem et exterminium ac ad exactionem dicte pene et recuperacionem bonorum stabilium et mobilium dicti Antonucii et captivorum ipsorum, ope, opere, auxilio, consilio, exforcio, armata manu et exercitu militari, ita quod nulla dies neque hora ocio intercedat, donec premissa feceris et exequaris realiter et votive, sicut gratiam nostram caram hebes et indignationem incurrere perorrescis, convocatis et adhibitis tibi pro favorabili executione premissorum universitate et hominibus civitatis Aquile et aliis universitatibus, baronibus et feudotariis circumposite regionis quibus tam per presentes, quam alias nostras litteras adhicimus in mandatis ut tibi dictoque Antonucio ac Bonohomini fratri dicti Antonucii ad tuam, vel ipsorum requisitionem assistant et faveant ope, opere, auxiliis et consiliis oportunis ac armata manu et exercitu militari; penas autem et banna que et quas rite propterea duxeris imponenda rata geremus et firma eaque per te volumus a transgressoribus pro parte nostre curie prout iustum fuerit exigi et haberi. Datum Neapoli per virum nobilem Gentilem de Merolinis etc., anno Domini MoCCCLXXXIIo, die XVIIIo mensis marcii quinte indictionis, regnorum nostrorum anno primo. Bibliografia Archivio di Stato di Napoli, Archivio della ricostruzione della cancelleria angioina, S. Sicola, Repertorium septimum regni Caroli III, f. 53 (not.); ivi, C. Borrelli, Repertorium universale etc., vol. II, f. 335 (not.); Biblioteca nazionale di Napoli, ms. X B 2, ff. 126 e 130 a t. (not.); ivi, ms. brancacciano IV D 1, f. 480 a t. (not.); Società napoletana di storia patria, ms. XX A 16, ff. 193 e 222 (not.); ivi, Carte Ricciardi, b. 1, n° 5 (not.); E.-R. Labande, Rinaldo Orsini comte de Tagliacozzo († 1390) et les premières guerres suscitées en Italie centrale par le grand schisme, Monaco - Paris 1939, XIII p. 286 (trasc.). Segnatura precedente Reg. 358, ff. 27 e 273