Archivio Storico, persone

Titolo I.043 Integrazione del titolo Indizione VData 24 marzo 1382 Indizione V Luogo NapoliPersone Carlo III d'Angiò Durazzo [re di Sicilia] Viola, Leonardo [giudice, giurisperito, consigliere] Buondelmonti (de), MaddalenaTocco (de), CarloTocco (de), LeonardoTocco (de), GiovanniTocco (de), SusannaTocco (de), fu Leonardo [milite, conte di Cefalonia] Zurlo, fu LisoloFelice (de), fu Bernardo [notaio] Palmerio (de), Orlando [giudice] Merolinis (de), GentileDescrizione Karolus tertius etc. Iudici Leonardo Viola de Neapoli iurisperito, consiliario et fideli nostro, gratiam etc. Scire te volumus quod noviter oblata extitit in nostro consilio petitio in serie subsequenti: «Sacre regie maiestati humiliter et devote supplicat Magdalena de Bondelmontis de Florentia tutrix et balia ac ancyera, secundum usum et consuetudinem partium Romanie, Caroli et Leonardi de Tocco et Iohanne et Sosanne pupillorum, filiorum et heredum quondam Leonardi de Tocco militis, comitis Cephalonie et ducis Lucate, dicentis quod olim in testimonio puplico constitutis prefato Leonardo ex una parte et quondam Lisulo Zurolo de Neapoli milite ex parte altera, prefatus dominus Lisulus sponte confessus fuit recepisse mutuo et habuisse ab eodem domino Leonardo de propria pecunia ipsius domini Leonardi uncias centum triginta in carolenis argenti, quas dictus quondam dominus Lisolus promisit eidem domino Leonardo restituere ad omnem ipsius requisitionem et voluntatem, cum potestati in casu contraventionis quod dictus dominus Leonardus possit capere authoritate propria de bonis ipsius quondam domini Lisuli quod ascendatur ad dictam summam dictarum unciarum centum triginta et proinde iuravit isdem dominus Lisolus ad sancta Dei Evangelia et se ad penam dupli dicte quantitatis pecunie obligavit, prout hec et alie in quadam sceda, seu prothocollo quondam notarii Bernardi de Felice de Vico plenius et seriosius continetur, de quo quidem mutuo quod fieret publicum instrumentum rogatus fuit pro notario, dictus notarius Bernardus et pro iudice iudex Orlandus de Palmerio de Neapoli et quamplures testes in numero oportuno et ante quam instrumentum ipsum in publicam formam redigeretur per notarium supradictum, fuerunt ipse notarius et etiam iudex predictus, sicut Domino placuit, ab hac vita sublati, super viventibus testibus, qui interfuerunt contractui supradicto et quia de iure propter mortem dictorum notarii et iudicis veritas rei non debet aliquatenus obumbrari». Propterea pro ipsius exponentis parte, nomine quo supra, humiliter supplicatur ut dignemur commictere et mandare alicui de nostro consilio Deum timenti, ut vocatis evocandis ac inspecto prothocollo, seu nota dicti notarii Bernardi ac vocatis testibus, qui interfuerunt contractui supradicto, si manus dicti notarii nota sit aliis et reperiatur contractus predictus inter acta notarii memorati ac duorum testium non minus testificatione recepta de hiis, qui interfuerunt contractui predicto, si rem ita esse reperierit, ut exponitur, mandet alicui alteri notario civitatis Neapolis ut dictum contractum in dicta sceda, seu prothocollo repertum in publicam formam reducat et nichilominus mandet alicui alteri iudici ad contractus ipsius civitatis Neapolis, quod se subscribet in instrumento predicto, non quod ipsi interfuerunt dicto contractui, sed quod inter acta prefati notarii mortui reperierunt contractum predictum et testibus superviventibus, qui intefuerunt dicto contractui, qui se subscribant in instrumento prefato iuxta formam constitutionis regni in talibus observatam. Postquam quidem petitionem oblatam, nos habita super his ipsius nostri consilii deliberatione matura et de tua fide et legalitate plenarie confidentes, tibi causam ipsam duximus harum serie de certa nostra scientia fiducialiter commictendam, fidelitati tue mandantes quatenus, vocatis qui fuerunt evocandi, cognoscas de premissis expositis et circa refectionem dicti instrumenti, vel circa reductionem testimoniorum dictorum testium in publicam formam ad eternam rei memoriam de contentis in dicta nota provideas, prout iuri et iustitie videris convenire. Datum Neapoli per virum nobilem Gentilem de Merolinis de Sulmona legum doctorem etc., anno Domini MCCCLXXXII, die XXIV martii V indictionis, regnorum nostrorum anno primo. Bibliografia Archivio di Stato di Napoli, Archivio Tocco , vol. 20, f. 33 (not.) e vol. 25, ff. 10-11 e 14 (trasc.); ivi, Archivio della ricostruzione della cancelleria angioina , S. Sicola, Repertorium septimum regni Caroli III , ff. 36 a t.-37 (not.); ivi, C. Borrelli, Repertorium universale etc., vol. I, f. 87 a t. (not.); Biblioteca nazionale di Napoli, ms. X B 2, f. 127 (not.); Società napoletana di storia patria, ms. XX A 16, f. 205 (not.); ivi, ms. XXV A 15, f. 618 (not.); ivi, ms. XXV B 5, ff. 107 a t. e 225 a t. (not.); ivi. ms. XXVII A 20, f. 69 a t. (not.); ivi arte Ricciardi b. 1, n° 5 (not.). Segnatura precedente Reg. 358, f. 99 a t.