Archivio Storico, persone

Titolo I.038 Integrazione del titolo Indizione VData 01 marzo 1382 Indizione V Luogo NapoliPersone Carlo III d'Angiò Durazzo [re di Sicilia] Turdo, Andreasso [feudatario] Castrovillari (de), Giovanni [familiare] Paneranco, Matteo [vassallo] Sanseverino, Vincilao [conte di Tricarico] Russo, NicolaCaviglia, SerachioCaviglia, TodescaMerolinis (de), GentileEnti Val di Crati e Terra GiordanaDescrizione Karolus tertius etc. Iustitiario provincie Vallis Gratis ac iudici et actorum notario cum eo per nostram curiam deputatis, fidelibus nostris gratiam etc. Pro parte Andreassi Turdi utiliter domino castri Sancti Donati de decreta vobis provincia ac Iohannis de Castro Villari familiaris et Matthei Paneranco de dicto castro Sancti Donati vassalli eiusdem Andreassi, fidelium nostrorum, fuit maiestati nostre nuper expositum quod olim in anno quarte indictionis proxime preterite, de mandato viri magnifici Vincilai de Sancto Severino comitis Tricarici, olim in anno quarte indictionis predicte vicereginalis in partibus Calabrie oportuit prefatos exponentes sequi dictum comitem euntem tunc contra malendrinos pululantes in dicta provinciam, de mandato eisdem exponentibus facto pro parte comitis supradicti et dum exponentes ipsi accessissent una cum dicto comite et cum aliis baronibus et hominibus accedentibus cum eodem comite de ipsius comitis similiter mandato, olim scilicet tempore estatis dicti anni quarte indictionis contra et adversus malandrinos predictos, contra quos tunc existentes in territorio civitatis Cusentie et contra ipsam civitatem et transeuntes per eius territorium nefanda committentes prefati comes et gens sua et ipsi exponentes viriliter preliarunt, in quo prelio quidam nomina Nicolaus Russus de pertinentiis Cusentie per gentem dicti comitis captus extitit de persona et per eumdem comitem datus et assignatus deinde Iohanni exponenti prefato, qui Iohannes eumdem Nicolaum sic captivum et percussum de mandato dicti comitis ad dictum castrum Sancti Donati apportavit ibidemque eumdem Nicolaum sic captivum tenuit et curari similiter fecit eumdem, eiusdem exponentis sumptibus et expensis sibique honorem intulit condecentem et quia Iohannes ipse propter honorem eidem Nicolao per eum impensum, credens eum non aufugere de castro predicto, eundem Nicolaum honesto modo sive magna custodia detinebat, Nicolaus ipse de castro predicto sine aliquo recacto aufugit propterea et recessit, postquam prefati exponentes per curiam vestram ad denunciationem prefati Nicolai eidem curie factam, ut ponitur, citati fuerunt et sunt de privato carcere et tormentis factis per exponentes eosdem in personam dicti Nicolai denunciantis et similiter citati fuerunt exponentes prefati per eamdem curiam vestram ad denunciationem factam, ut ponitur, eidem curie per Serachium Cavillam de Castro Villari de raptu et violatione, ut ponebatur, cuiusdam puelle nomine Tudische filie dicti Serachi, cum revera, ut asseritur, per exponentes eosdem dicta puella arrestata fuerit, seu capta tunc in dicto anno de mandato dicti comitis tunc vicereginalis et eidem Andreasso exponenti de eiusdem comitis mandato exinde in custodia assignata et successive virgo et libera sicut primo fuerat de eiusdem comitis mandato propterea liberata et quia exponentes ipsi, ut asserunt, tempore dicte citationis de personis erant graviter infirmi et propter eorum infirmitatem venire ad dictam curiam minime potuerunt, miserunt ad dictam curiam eorum procuratorem sollemniter, ut exponentes ipsos exinde iuste et rationabiliter coram vobis et vestra curia excusaret de infirmitatibus eorum, quos tunc patiententur, prout eorum infirmitatum testificatio medici, ut ponitur, demonstrabat, qua excusatione per eumdem procuratorem nomine ipsorum exponentium exinde facta in curia supradicta, exponentes ipsi per eamdem curiam minime fuerunt admissi ad debitam excusationem eamdem, immo exponentes prefati pro causis predictis fuerunt sicut et sunt, ut ponitur, per dictam curiam banno suppositi et ad tertiam partem bonorum mobilium condempnati, quibus, bannis et condempnationibus secutis, mandastis nonnulla bona mobilia, videlicet porcos ducentos, iumenta triginta cum pultris et nonnulla alia bona mobilia ipsius Andreassi ecponentis pro parte dicte curie arrestari, non obstante excusatione predicta pro eis per eundem procuratorem facta de eorum infirmitate, que de iure, invito iudice, iudicii diem differt, sicque pro parte dictorum exponentium fuit celsitudini nostre humiliter supplicatum ut providere super hoc eis de oportuno remedio dignaremur. Quorum supplicationibus, ut sequitur, inclinati, fidelitati vestre committimus et mandamus expresse quatenus ad instantiam dictorum exponentium de premissis expositis cognoscatis, que, si vera reperieritis et aliud rationale in contrarium non obsistat, predicta banna, condempnationes et arrestationes inde secutas irritetis, revocetis et annulletis instanter, et nichilominus exponentes prefatos ex premissis non agravetis contra debitum rationis, ita quod iusititia in omnibus observata non oporteat vobis pro premissis nostras alias litteras inculcare. Datum Neapoli, per virum Gentilem de Merolinis de Sulmona etc., anno Domini MCCCLXXXII die primo martii V indictionis, regnorum nostrorum anno primo. Bibliografia Archivio di Stato di Napoli, Archivio della ricostruzione della cancelleria angioina , S. Sicola, Repertorium septimum regni Caroli III , f. 36 a t. (not.); ivi, . Borrelli, epertorium universale tc., vol. II, f. 319 a t. (not.); Biblioteca nazionale di Napoli, ms. X B 2, f. 127 (not.); Società napoletana di storia patria, ms. XX A 16, f. 205 (not.); ivi, già ms. F.B. IV A 14, oggi ms. Fortunato (trasc.); ivi arte Ricciardi b. 1, n° 5. Segnatura precedente Reg. 358, f. 97