Archivio Storico, persone

Titolo LXXI.61 Integrazione del titolo Indizione VIIIData 1295 apr. 04 Indizione VIII Luogo RomaPersone Carlo II d'Angiò [re] Gaulart de Pies, Rinaldo [milite, panettiere del Regno] Sus (de), Amerigo [milite, maestro razionale della regia curia, consigliere e familiare regio] Pipino, Giovanni [milite, maestro razionale della regia curia, consigliere e familiare regio] Gerardo (de), Enrico [milite, maestro razionale della regia curia, consigliere e familiare regio] Capua (di), Bartolomeo [milite, protonotaro del Regno] Enti SiciliaTerra di Lavoro e Contado di MoliseDescrizione Karolus secundus etc. Universis presens privilegium inspecturis presentibus et futuris. Princeps cui solidalis est equitas et amica iustitia actentis debet providere consiliis, ne rei geste memoria pereat et per oblivionis defectum substancia pure veritatis aberre., Sane Raynaldus Galardus de Pies miles, regni nostri Sicilie panetterius, dilectus consiliarius, familiaris et fidelis noster maiestati nostre humiliter supplicavit ut cum clare memorie rex inclitus dominus pater noster castrum Arpini siti in iustitierato Terre Laboris in terris, hominibus, vassallis, iuribus et pertinenciis suis omnibus dicto Raynaldo et suis heredibus ex suo corpore legitime descendentibus pro annuo redditu unciarum auri centum, sub servicio quinque militum, computata persona sua, de liberalitate mera et gratia speciali concesserit et prius quam idem Raynaldus privilegium eiusdem concessionis haberet idem dominus pater noster, sicut placuit, diem clauserit ultimum vite sue providere indempnitati ipsius Raynaldi benignius dignaremur, nos ergo eius supplicationibus humanius inclinati, quia de predicta concessione facta eidem Raynaldo, quam sibi de speciali gratia et certa scientia confirmamus, plenarie vobis constat presens privilegium ad cautelam eiusdem Raynaldi heredumque suorum perpetuam concessimus in testimonium veritatis, decernentes et declarantes expresse quod modus et forma, qui in privilegiis dicti domini patris nostri ac nostri, sub quibus idem R(aynaldus) et heredes sui donec (sic) castrum a nobis et nostris heredibus et successoribus tenere immediate et in capite debent, intelligantur expressi ac si singulariter et particulariter essent in presenti privilegio annotati. In cuius rei testimonium presens privilegium sibi exinde fieri et ad eternam rei memoriam pendenti sigillo maiestatis nostre iussimus communiri, alio privilegio consimili sub aurea bulla eiusdem maiestatis nostre impressa tipario dato sibi exinde ad cautelam. Actum Rome, presentibus Americo de Sus, Iohanne Pipino et Henrico de Gerardo magne curie nostre magistris rationalibus, militibus, dilectis consiliariis, familiaribus et fidelibus nostris ac pluribus aliis. Datum vero ibidem, per B(artholomeum) de Capua militem, IIII mensis aprilis VIII indictionis Segnatura precedente Reg. 77, f. 42Altre copie «Bollettino storico volsco», I (1897), IV pp. 8-9 (trasc.); E. Ricca, "La nobiltà delle Due Sicilie", Napoli 1862, p. I, t. III, p. 46 (not.).