Archivio Storico, persone

Titolo LXXI.49 Integrazione del titolo Indizione VIIIData 1295 mar. 07 Indizione VIII Luogo RomaPersone Carlo II d'Angiò [re] Filippo [arcivescovo di Salerno] Carlo d'Angiò [primogenito del re, re d'Ungheria, principe di Salerno, signore dell'onore di Monte Sant'Angelo, vicario generale del Regno] Capua (di), Bartolomeo [protonotaro del Regno] Enti GerusalemmeSiciliaUngheriaSalernoMonte Sant'AngeloSalernoDescrizione Carolus secundus, Dei gratia Ierusalem et Sicilie rex et cetera. Tenore presentium notum facimus universis presentes licteras inspecturis quod per venerabilem in Christo patrem Philippum Salernitanum archiepiscopum, fidelem nostrum, fuerunt in nostra curia presentate quedam patentes littere Caroli primogeniti nostri, Dei gratia regis Ungarie, principis Salernitani ac honoris Montis Sancti Angeli domini et in regno Sicilie vicarii generalis, facte olim die XII mensis martii IV indictionis nuper preterite antequam dicti regni Ungarie titulum susciperet, munite sigillo vicarie regni nostri Sicilie, quam tunc similiter de mandato nostro gerebat, quarum tenor per omnia talis erat: «Carolus illustris Ierusalem et Sicilie regis primogenitus, princeps Salernitanus et honoris Montis Sancti Angeli dominus ac eius in regno Sicilie vicarius generalis. Notum facimus universis quod venerabilis pater dominus Philippus Salernitanus archiepiscopus, attendens quod custodia castri Olibani, quod est sue Salernitane Ecclesie, erat sibi et eidem Ecclesie sumptuosa, quodque per eum castrum ipsum ad presens propter expensarum defectum non poterat debita et necessaria diligentia custodiri, apud nos institit ut castrum ipsum custodiendum per regiam curiam, sub expensis ipsius curie, durante presentis turbationis tempore recipi sub custodia eiusdem curie mandaremus. Nos itaque, consideratis situ et condictionibus dicti castri, quod proximum fore dinoscitur inimicorum conatibus in provincia Prinicipatus, videntes regie curie regiisque fidelibus illorum partium ad repulsum hostium necessario expedire quod dictum castrum custodiatur ad presens per curiam cum omni vigilantia et cautela, cum per eundem archiepiscopum propter expensas multiplices, quas ipsius custodia exigebat, non poterat nunc diligenter prout presentis temporis qualitas exigit custodiri, castrum ipsum ad instantiam ipsius archiepiscopi sub custodia curie, recipi fecimus custodiendum, per curiam ad expensas ipsius curie, huiusmodi regni turbatione durante. Ita tamen quod, castellanus et servientes, qui in castro ipso de mandato curie morabuntur, ipsius castri custodiam tantum gerant et de redditibus et proventibus aliisque et iuribus ipsius Ecclesie debitis a vassallis ipsius Ecclesie morantibus in terra, seu circuitu dicti castri et de ipsis etiam vassallis se nullatenus intromittant. Ideoque ad cautelam [ipsius archiepiscopi] ... fatemur ... promissa omnia ... vera esse ac promictimus ... quod curia ipsa ... restituet eidem archiepiscopo et succesoribus suis ... castrum ipsum ... Data Neapoli anno Domini MCCXCI ... mense martii III indictionis». Itaque prescripta omnia ... confirmamus ... promictentes ea ... firmiter observare, actendere et complere ... Data Rome per Bartholomeum de Capua ... die VII mensis martii VIII indictionis. Segnatura precedente Reg. 67, f. 36Altre copie C. Carucci, "Codice diplomatico salernitano", vol. 2, Subiaco 1934, CCCI pp. 411-412.