Archivio Storico, enti

Titolo NapoliVII.031Indizione VI03 dicembre 1382 Integrazione del titolo Indizione VIData Indizione VI03 dicembre 1382 Indizione VI Luogo NapoliPersone Carlo III d'Angiò Durazzo [re di Sicilia] Carlo I d'Angiò [re di Sicilia] Carlo II d'Angiò [re di Sicilia] Sessa (da), Taddeo di Gerardo [milite, ciambellano] Marzano, Goffredo [conte di Alife] Caetani, Onorato [conte di Fondi, ribelle] Orsini, Nicola [conte di Nola, regio consigliere] Crispano, Matteo [milite, dottore di leggi, maestro razionale, luogotenente del gran camerario, regio consigliere] Thiene (de), Giovanni [dottore di leggi, regio consigliere] Tomacelli, Bartolomeo [milite, siniscalco del regio ospizio, regio consigliere] Guindazzo, Francesco [milite, siniscalco del regio ospizio, regio consigliere] Merolinis (de), Gentile [dottore di leggi, luogotenente del protonotaro del Regno] Enti Terra di Lvoro e Contado di MoliseDescrizione Karolus etc. Universis presens privilegium inspecturis, tam presentibus, quam futuris. Iuste fuit supplicium qui contra suum regem et dominum fidem crepitus maculavit et de substancia infidelis et reprobi digne confertur premium virtuoso. Actentis igitur sincere devotionis et fidei meritis ac serviciis gratis et utilibus maiestati nostre fideliter prestitis per virum nobilem Tadeum domini Gerardi de Suessa militem, cambellanum et fidelem nostrum dilectum, que se prestat ad presens et speramus cum in antea continuacioni laudabili de bono et in melius prestiturum, nec minus ad instanciam viri magnifici Goffridi de Marzano comitis Alifie, collateralis, consiliarii et fidelis nostri dilecti, pro ipso Tadeo penes eandem maiestatem nostram suppliciter intercedentis, eidem Tadeo et suis utriusque sexus heredibus ex suo corpore legitime descendentibus, natis iam et in antea nascituris, imperpetuum bona omnia stabilia, burgensatica sita et posita in territorio et pertinenciis cvitatis Suesse, usque ad valorem annum unciarum auri viginti quinque, que fuerunt certorum vassalllorum Honorati Gaytani, olim comitis Fundorum nostrorum rebellium, reliquo pluri quod dicta bona valerent deductis quinque unciis per annum ad opus, nomine et pro parte nostre curie remanente, cum iuribus, introhitibus, exitibus, ingressibus et egressibus ac aliis rationibus et pertinenciis ad dicta bona usque ad dictam summam spectantibus, damus, donamus, tradimus atque concedimus in feudum bona ipsa usque ad valorem annuum predistinctum in naturam feudalem, revocantes harum serie proprii motus instinctu certa nostra scientia, liberalitate mera et gratia speciali sub servicio exinde contingenti, ad rationem, videlicet, pro singulis viginti unciis annui redditus concessis in bonis stabilibus de uno integro servicio militari, iuxta usu et consuetudinem dicti regni nostri Sicilie ac generalis et humane regie sanctionis edictum de feudorum successionibus in favorem comitum et baronum omnium dicti regni a tempore scilicet felicis adventus clare memorie domini regis Karoli primi in ipsum comitatus, baronias et feuda inibi ex perpetua collatione tenentium factum per dominum regem Karolum secundum et in parlamento celebrato Neapoli publice divulgatum, ita tamen quod tam predictus Tadeus, qua dicti sui heredes pro dictis bonis donatis, ut prefertur, iuribus et pertinenciis illorum nobis et nostris in dicto regno heredibus et successoribus servire teneantur et debeant de feudali servicio supradicto, quod servicium dictus Tadeus in nostri presencia constitutus sua bona et gratuita voluntate pro se et suis heredibus nobis nostrique in dicto regno heredibus et successoribus facere obtulit et promisit, investientes predictum Tadeum pro se et dictis heredbus de presenti nostra gratia per anulum nostrum presentium, ut est moris, quam investituram vim et efficaciam vere ac realis concessionis et donacionis usque ad dictam summam dictorum bonorum, modo predicto, volumus et decrevimus obtinere, ita eciam quod tam ipse Tadeus, quam dicti sui heredes bona ipsa in feudum cum iuribus et pertinenciis illorum omnibus supradictis a nobis et nostris in dicto regno heredibus et successoribus in perpetuum immediate et in capite teneant et possideant nullumque alium preter nos ac ipsos heredes et successores nostros in dicto regno in superiorem et dominum exinde recognoscant, pro quibus quidem bonis ab eodem Tadeo ligium in manibus nostris homagium et fidelitatis debite recepimus iuramentum, ita eciam quod modus, forma condicionis, reservaciones et clausule, qui et que in privilegiis dominorum progenitorum nostrorum regni Siclie et nostris super huiusmdi donacionibus et concessionibus consueverunt exprimi et apponi, sub quibus idem Tadeus et dicti sui heredes a nobis et dictis nostris heredibus et successoribus in mediate et in capite teneant et tenere debeant bona predicta usque ad dictum valorem unciarum vigintiquinque per annum cum iuribus et pertinenciis illorum omnibus, in presenti privilegio nostro intelligantur expressi ac si in eo essent distincti et particulariter annotati, salvis nichilominus serviciis nobis exinde debitis secundum usum et consuetudinem dicti regni ac omnibus quibuslibet aliis, que curie nostre racione maioris dominii pro dictis bonis debentur ea et habere debemus in terris et locis aliis dicti regni ac iuribus nostre curie et alterius cuiuscumque beneficiis etiam cappellaniarum et iuribus patronatus, si qua sunt in dictis bonis, iuribus et pertinenciis supradictis ac nostris collacionibus et presentationibus nobis ac predictis nostris heredibus et successoribus reservatis, volumus autem quod dictus Tadeus procuret cum solercia debita et instanti, infra menses tres a dies adeptionis corporalis possessionis dictorum bonorum inantea numerandos, presens privilegium nostrum, cum distinctione bonorum usque ad dictam summam dictorum rebelliuum assignandorum sibi per iusticiarium provincie Terre Laboris et Comitatus Molisii, vel eius locumtenentem, cum executione presentis nostre concessionis et gratie per alias nostras licteras commictemus, que et ubi sita sunt et in quibus consistant particulariter et distincte, seu cum instrumento, vel documento alio dicte assignationis faciende in quaternionibus nostre camere penes thesaurarios nostros transcribi facere et etiam annotari, ut tempore quo in regno precipitur militare servicium comitibus et baronibus eumdem Tadeum dictosque heredes suos, tamquam novos possessores et dominos dictorum bonorum predictique feudalis servicii exinde debitores, in quaternionibus ipsis manualiter et habiliter reperiri contigat, alioquin presens nostra concessio et gratia nullius momenti, vel roboris censeatur. In cuius rei fidem perpetuamque memoriam et dicti Tadei predictorumque heredum suorum cautelam, presens privilegium exinde fieri et pendenti maiestatis nostre sigillo iussimus communiri. Actum Neapoli, presentibus magnificis et nobilibus viris Nicolao de Ursinis, Nolano, palatino et Soleti comite, Mattheo Crispano de Neapoli milite, legum doctore, magne nostre curie magistro rationali, locumtenenti magni camerarii regni Sicilie, Iohanne de Thienis legum doctore, Bartholomeo Thomacello et Francisco Guindacio de Neapoli militibus, nostri hospicii senescallis ac quam pluribus aliis consiliariis et fidelibus nostris dilectis. Datum vero ibidem per manus viri nobilis Gentilis de Merolinis de Sulmona legum doctoris locumtenentis, prothonotarii regni Sicilie, consiliarii et fidelis nostri dilectis, anno Domini MCCCLXXXII, die III decembris VI indictionis, regnorum nostrorum anno secundo. Bibliografia L. Ermini, Onorato I Caetani conte di Fondi e lo scisma d'Occidente, Roma 1938, VIII p. 124. Segnatura precedente Reg. 359, f. 358 a t.