Archivio Storico, enti

Titolo NapoliVI.186Indizione VI09 dicembre 1382 Integrazione del titolo Indizione VIData Indizione VI09 dicembre 1382 Indizione VI Luogo NapoliPersone Carlo III d'Angiò Durazzo [re di Sicilia] Carlo II d'Angiò [re di Sicilia] Giovanna I d'Angiò [regina di Sicilia] Pietro del Morrone [santo] Enti SiciliaGerusalemmeSanto Spirito del MorroneDescrizione Karolus tercius etc. Magnifico viro magno regni Sicilie camerario, vel eius locumtenentibus, dilectis consiliariis ac magistris salis parcium Aprucii, nec non cabellotis, seu credenceriis cabelle salis in Piscaria, presentibus et futuris, fidelibus nostris, gratiam etc. Et si ad religiones singulas divino cultui dedicatas specialis zelus nos provehit et sincere devotionis caritas nos accendit ad venerabile tamen monasterium Sancti Spiritus de Murrono prope Sulmonam ordinis Celestinorum ac religiosos viros abbatem et conventum ipsius monasterii fideles et devotos oratores nostros, quos divinis obsequiis caducis huiusmodi contemptis illecebris, spiritus quidam singularis devotionis annectit tanti specialioris affectus caritatis nos dirigit, quanto de ipsorum honestate vite laudabilis fame preconium nos evidenter inducit. Hac igitur consideratione commoti, nec minus ob reverentiam beati Petri de Murrono, per quem dictum monasterium extitit institutum, nolentes circa exhibitionem thuminorum salis octuaginta generalis mensure, quos dicti abbas et conventus ipsius monasterii Sancti Spiritus sunt ex concessione recolende memorie domini Caroli secundi Dei gratia Ierusalem et Sicilie regis incliti et successive ad licteras illustris quondam Iohanne olim Ierusalem et Sicilie regine super dicta cabella salis Piscarie pro usu dicti monasterii annis singulis in festo scilicet beati Michaelis imperpetuum percepturi aliquem intervenire defectum, quinymmo intendentes dictis abbati et conventui prefatos thuminos salis octuginta annis singulis sicut subsequitur realiter assignari, volumus et fidelitati vestre de certa scientia nostra harum serie mandamus expresse quatenus vos predicti magistri salis Aprutii, nec non cabelloti, seu credencerii dicte cabelle salis in Piscaria presentes, videlicet, et futuri eisdem abbati et conventui, vel ipsorum ad hec procuratori, seu nuncio, iamdictos thuminos salis octuaginta generalis mensure quos eis providimus, sicut predicitur exhiberi quolibet, scilicet, anno a principio presentis anni sexte indictionis inantea numerando in prefato quidem festo beati Michaelis dicti anni cuiuslibet de sale dicte cabelle Piscarie sistente et futura per manus vestras officiorum vestrorum temporibus omni prorsus sublato difficultatis et contraditionis obstaculo, prout ad vos spectaverit integre et sine diminutione qualibet, vigore presentium, assignare et traddere studeatis et recipiatis ab eisdem abbate et conventu, seu prefato ipsorum ad hec procuratore, vel nuncio de hiis que ipsis assignaveritis exinde suis vicibus debitam apodixam, quam vobis plene sufficere volumus ad cautelam ac in vestro computo acceptari pariter et admicti, nullis cautelis aliis quam presentibus nostris licteris cum apodixa iamdicta a vobis propterea quomodolibet requirendis vosque predicti magne camerarie, vel locumtenentes non impediatis in aliquo assignationem eamdem necnon cabellotos, seu credencerios ad illam, sicut predicitur, faciendam per quelibet oportuna et debita favorabiliaque iuris remedias, que ad id expedire videritis arcius compellatis. Presentes autem licteras post oportunam inspectionem earum transumpto ipsarum per vos magistros salis, nec non cabellotos, seu credencerios prout vestra intererit in publica forma recepta pro cautela restitui volumus presentanti, premisso modo, efficaciter in antea valituras. Datum Neapoli in camera nostra, anno Domini MCCCLXXXII, die VIIII decembris VI indictionis, regnorum nostrorum anno II. Bibliografia Archivio di Stato di Napoli, Processi di regio patronato, vol. 1050, processo n° 123, f. 14 a t. (trasc.); ivi, Archivio della ricostruzione della cancelleria angioina, S. Sicola, Repertorium septimum regni Caroli III, f. 77 (not.); ivi, O. Sicola, Repertorium monasteriorum, vol. II, f. 172 (not.); ivi, M. Chiarito, Repertorium et index regesti Caroli III signati 1382 et 1383, f. 31 a t. (not.); Biblioteca nazionale di Napoli, ms. brancacciano IV B 15, f. 380 (not.); Società napoletana di storia patria, Carte Ricciardi, b. 1, n° 5 (not.); B. Cantera, Cenni storico-biografici risguardanti S. Pier Celestino, Napoli 1892, p. 30 nota (not.). Segnatura precedente Reg. 359, f. 136