Archivio Storico, enti

Titolo NapoliII.245Indizione V22 maggio 1382 Integrazione del titolo Indizione VData Indizione V22 maggio 1382 Indizione V Luogo NapoliPersone Carlo III d'Angiò Durazzo [re di Sicilia] Dentice, Errico [frate, precettore della Trinità di Venosa] Merolinis (de), GentileEnti SiciliaCapitanataBasilicataS. Trinità di VenosaDescrizione Karolus tercius etc. Magistro iusticiario regni nostri Sicilie, seu eius locumtenenti et iudicibus magne nostre curie, consiliariis, iusticiariis provinciarum Capitinate et Basilicate, capitaneis terre Baroli et magistris iuratis, baiulis, iudicibus et universis et singulis officialibus ubilibet per ipsum regnum Sicilie constitutis, quocumque nomine censeantur, ad quos spectat, seu spectare poterit presentibus et futuris, fidelibus nostris, graciam etc. Vera devocio provocat certa ratio suggerit et instinctus naturalis adducit ut ecclesias et venerabiles Dei domos principalis potestas precipue protegat, quam eius clemencia sua speciali disposicione gubernat, huius itaque consideracionis instinctu a divina gratia cognoscentes simpliciter omnia que habemus nec minus venerabilem et religiosum virum fratrem Herricum Denticem de Neapoli preceptorem Sancte Trinitatis de Venusio ordinis Sancti Ioannis Ierosolimitani, devotum et fidelem nostrum dilectum, ob sue sincere devocionis et fidei merita dignum nostra favorabili prosecutione censentes et alios ad dictam ecclesiam Sancte Trinitatis habentes debitam reverentiam et specialis devocionis affectum, iamdictam ecclesiam Sancte Trinitatis ad preceptoriam ipsius ac prefatum preceptorem, confratres, ministros, factores, familiares et procuratores ipsorum devotos et fideles nostros cum omnibus grangiis, cappellis, bonis, possessionibus, iuribus, rationibus et pertinenciis suis omnibus ad ipsam preceptoriam spectantibus et pertinentibus quoquomodo que intus dictam ecclesiam in dicto regno tenet et possidet in posterum rationabiliter atque iuste sub nostra protectione favorabiliter suscepimus et ad curam defensionis nostre specialiter deputamus. Eapropter, quia ad dictam ecclesiam et alia ecclesiastica loca habere vos credimus pie devocionis affectum protecionem et defensionem ipsius duximus ex certa nostra scientia specialiter commictendam, fidelitati vestre presencium auctoritate mandantes quatenus preceptoriam dicte ecclesie ipsiusque preceptorem ac confratres, ministros, familiares et procuratores ipsorum antedictos cum omnibus grangiis, cappellis, possessionibus, bonis, territoriis ipsorumque confinibus, pertinenciis et iuribus omnibus supradicts quos et que, ut predicitur, iuste possident et possidebunt inantea habentes specialiter commendatos non inferatis eisdem, nec inferri permictatis ab aliis iuniurias, molestias, offensas indebitas, aut pressuras quinimmo ipsis favorabiliter assistentes eorum iura, sine lesione iusiticie vestri vigore presidii manuteneatis et etiam defendatis ac reprimatis oppressiones quaslibet et gravamina vestri officii potestate eis per quosvis quomodolibet inferentia non permittentes de certo confinia, seu ipsorum ab aliis extorqueri et indebite exigi prelibata, denique volumus beneplacitique nostri est dicte ecclesie eiusque preceptori circa celerem recollecionem iurium ipsius ecclesie nos favorabiles exibere eique reddi celeriter quod debetur propterea fidelitati vestre in mandatis addicimus quatenus ad requisicionem predictorum preceptoris, confratrum, procuratorum et ministrorum eiusdem ecclesie, vel alterius eorumdem vocatis coram vobis omnibus et quibuscumque debitoribus dicte preceptorie ipsisque in eorum iuribus et defensionibus iustis auditis eosdem et quemlibet ipsorum ad solvendum et pariter exhibendum eisdem preceptori, confratribus, procuratoribus et ministris dicte ecclesie debita iura et redditus ad que et quos ipsi tenentur et rationabiliter sunt astricti secundum ecclesiastica privilegia preceptorie iam dicte ac ad restituendum alia pecunialia debita de quibus apparere ponitur in strumenta publica vel alia legitima documenta summarie et de plano privilegio camere ecclesiastice exposcente favorem si et prout iusticie videretis convenire, auctoritate presencium compellatis eisque similiter circa hoc assistatis et eciam faveatis iustis favoribus oportunis. Ita quod assistente presidio et favore reddatur eis cum iusticia integre quod debetur et vobis propterea scribere ulterius non sit opus presentibus post oportunam et debitam inspectionem earum remanentibus presentanti ad vos premisso modo efficaciter inantea valituris. Datum Neapoli per nobilem virum Gentilem de Merolinis de Sulmona etc., anno Domini MCCCLXXXII, die XXII maii V indictionis, regnorum nostrorum anno primo. Bibliografia Fonti: Archivio di Stato di Napoli, Archivio della ricostruzione della cancelleria angioina, S. Sicola, Repertorium septimum regni Caroli III, f. 55 (not.); ivi, C. Borrelli, Repertorium universale etc., vol. I, f. 173 a t. (not.); Biblioteca nazionale di Napoli, ms. X B 2, f. 131 (not.); Società napoletana di storia patria, ms. XX A 16, f. 225 (not.); ivi, ms. XXV A 15, f. 161 a t. (not.); ivi, Carte Ricciardi, b. 1, n° 5 (not.); G. Crudo, La SS. Trinità di Venosa, Trani 1899, pp. 355-356 (trasc.). Segnatura precedente Reg. 358, f. 321 e a t.