Archivio Storico, enti

Titolo I.249 Integrazione del titolo Indizione VData 01 luglio 1382 Indizione V Luogo NapoliPersone Carlo III d'Angiò Durazzo [re di Sicilia] Dentice, Francesco [milite, siniscalco dell'ospizio regio, consigliere e familiare] Durazzo (di), AgneseLuigi I il Grande [re d'Ungheria] Merolinis (de), GentileEnti SiciliaUngheriaDescrizione Karolus tertius Dei gratia rex etc. Viro nobili Francisco Dentice dicto Nacharelle de Neapoli militi, nostri hospitii senescallo, consiliario, familiari et fideli nostro dilecto, gratiam etc. Sumpta per nos de tue fidei sollicitudinis et circumspectionis meritis ac comprobata pariter experientia in agendis indubitata fiducia, adeo quod tibi fiducialiter servitia nostra commictimus et ad illorum executionem cum causa suadet destinamus. Idcirco volumus et fidelitate tue harum serie de certa nostra scientia districte precipiendo commictimus et mandamus quatenus, statim, receptis presentibus, ad terram Montis Sancti Angeli et alias terras illustris ducisse Duratii carissime sororis nostre et partes alias Apulie et Aprutii tibi visas te personaliter conferens dictarumque terrarum ipsius ducisse castra, seu fortellitia, prout ordinatum est et provisum, ad manus tuas recipiens pro curie nostre parte studeas, tam de castellanis, custodibus et servientibus, quam fortificatione, reparatione et munitione castrorum ipsorum ac de omnibus aliis oportunis ad statum bonum et tranquillum hominum terrarum ipsarum et aliis quibuscumque, in quibus etiam ad ministrandum iusticiam plenam, tibi meri et mixti imperii ac gladii potestatem concedimus, oportunis remediis providere, omnia que alia et singula in premissis et circa premissa facere que tibi videbuntur melius expedire, in quibus quidem terris et locis dicte ducisse propter subscriptorum aliorum executionem ordinare et dimictere possis et valeas aliquem locumtenentem loco tui, qui premissa omnia et singula exequi possit et valeat loco tui ac gerat in omnibus plenarie vices tuas et quia serenissimus princeps dominus rex Ungarie habet de proximo in subsidium nostrum mictere non modicam gentis armigere quantitatem, pro cuius transfretu in regnum non modica sunt navigia oportuna, adicimus tibi expressius in mandatis ut circa procurationem et inventionem navigiorum ipsorum in dictis Apulee et Aprutii partibus ac missionem et destinationem illorum ad illas partes Ungarie unde gentes huiusmodi habebunt exinde transfretare adhibeas modos, vias et ordines oportunos, quibus tibi videbitur opus esse, sicque et taliter ordinare et providere studeas et procures quod dicta navigia infallibiliter habeantur et mictantur ad dictas partes celeriter quam citius et instanter, in quarum executione celeri tuam diligentiam et sollicitudinis studium sic prudenter adhibeas ut speramus, quod negotia huiusmodi celeriter et efficaciter exequaris ad votum tuque possis exinde de tua diligentia et sollicitudine dignis laudum premiis commendari. Nos enim .. iustitiariis, .. capitaneis, .. vicariis castrorum ipsorum, .. prothontinis, magistris iuratis, .. camerariis, .. baiulis, iudicibus, universitatibus ceteris, que officialibus et personis aliis per dictas partes constitutis presentes licteras inspecturis damus de dicta certa nostra scientia tenore presentium expressius in mandatis quatenus tibi, vel tuo locumtenenti predicto eiusque et illius requisitionibus et mandatis tamque persone nostre proprie in premissis et singulis devote pareant, efficaciter obediant et intendant ac assistant et faveant ope, opere et consiliis, auxiliis et favoribus oportunis, ita quod executio ipsa negotiorum huiusmodi fiat favorabilis et votiva ipsique veniant de obedientie promptitudine merito commendandi, nos enim penas et banna, quas et que rite duxeris imponenda, rata geremus et firma illaque exigi per te volumus pro parte nostre curie a transgressoribus eorundem. Data Neapoli per virum nobilem Gentilem de Merolinis de Sulmona etc, anno Domini millesimo CCCoLXXXIIo, die primo iulii Ve indictionis, regnorum nostrorum anno secundo. Bibliografia Archivio di Stato di Napoli, Archivio della ricostruzione della cancelleria angioina , . Borrelli, epertorium universale tc., vol. I, f. 173 a t. (not.); Biblioteca nazionale di Napoli, ms. X B 2, f. 131 (not.); Società napoletana di storia patria, ms. XX A 16, f. 227 (not.); ivi, ms. XXV A 15, f. 162 (not.); ivi, Carte Ricciardi , b. 1, n° 2 (not.) e ° 5 (not.); ivi, già mss. F.B. IV A 14, oggi ms. Fortunato (trasc.); C. Minieri Riccio, Notizie storiche tratte da 62 registri angioini etc., Napoli 1877, p. 101 (not.); M. Camera, Elucubrazioni storico-diplomatiche su Giovanna I a etc., Salerno 1889, p. 310 (not.). Segnatura precedente Reg. 358, f. 342 a t.