Archivio Storico, enti

Titolo I.232 Integrazione del titolo Indizione VData 13 giugno 1382 Indizione V Luogo NapoliPersone Carlo III d'Angiò Durazzo [re di Sicilia] Carlo II d'Angiò [re di Sicilia] Enti SiciliaPrincipatoTerra di LavoroSan Domenico di CapuaGerusalemmeDescrizione Karolus tercius etc. Magnifico viro .. regni Sicilie, camerario, vel eius locumtenentibus, dilectis consiliariis, magistris cabelle salis Principatus et Terre Laboris, nec non fundicariis, cabellotis, seu credenceriis fundici salis civitatis nostre Neapolis, presentibus et futuris fidelibus nostris, gratiam etc. Et si ad religiones singulas Dominico cultu dedicatis specialis zelus nos provehit et sincere devotionis caritas nos accedit, ad venerabilem tamen monasterium Sancti Dominici de Capua Ordinis Fratrum Predicatorum ac religiosorum virorum .. priorum et conventus dicti monasterii fideles et devotos oratores nostros, quos divinis obsequiis caducis huiusmodi contemptis illecebris spiritus quedam singularis devotionis avertit tanto specialioris affectus caritatis nos dirigit et quanto nos de ipsarum honestate vite laudabilis fama preconium evidenter inducit, hac igitur consideratione commoti nec minus ob reverentiam dicti Sancti Dominici cuius vocabulo dictum monasterium insignitur. Volentes circa exhibitionem thuminorum salis duodecim, quos dicti prior et conventus dicti monasterii Sancti Dominici sicut ex concessione clare memorie domini Caroli secundi Dei gratia Ierusalem et Sicilie regis illustris nostri proavi reverendi ex successione ad licteras illustris Ioanne olim Ierusalem et Sicilie regine super dicto fundico salis ipsius civitatis nostre Neapolis pro ipsorum annis singulis in festo Assumptionis Beate Virginis elemosinaliter percepturi, quinimmo intendetes dictis priori et conventui prefatos thuminos salis duodecim annis singulis sicut subsequitur realiter assignari volumus et fidelitati vestre de certa scientia nostra harum serie mandamus expresse quatenus vos predicti fundicarii, gabelloti, seu credencerii dicti fundici salis ipsius civitatis nostre Neapolis presentes, videlicet, et futuri eidem priori et conventui, vel ipsorum ad hec procuratori, seu nuncio prefatos thuminos salis, videlicet, nos eis intendimus, sicut predicitur, exhiberi, tam pro presenti anno quinte indictionis, quam deinde inantea singulis, videlicet, annis in prefato quidem festo Assumptionis dicte beate Virginis pro usu religiosorum ipsorum de sale nostre curie sistente et futuro per manus vestras in dicto fundico salis ipsius civitatis nostre Neapolis officiorum vestrorum temporibus, sine alicuius difficultatis obstaculo, exhibere et assignare presentium auctoritate curetis et recipiatis ab eisdem priore et conventu, seu prefato ipsorum ad hec procuratori, vel nuncio de exhibitione dicti salis suis vicibus debitum quod tamquam vobis plene sufficere volumus ad cautelam ac in vestro computo acceptari pariter et admitti nullis cautelis aliis quam presentibus nostris licteris cum apodixa iamdicta vobis propterea quomodolibet requirentis et si forte dictis priori et conventui, vel aliis et quos predictos presentes fundicarios, cabellotos, seu credencerios pro dicto presenti anno quinte indictionis in toto, vel in parte de dictis thuminis salis duodecm in pecunia satisfactum, pecuniam ipsam dictis priori et conventui pro dicto presenti anno per vos, ut prefertur, forsan exhibitam excomputetis eis pro dicto presenti anno in dicto sale ad rationem de tareno uno et grano uno pro quolibet thumino salis eiusdem, ita quod nequeant propterea de dictis thuminis salis duodecim eisdem priori et conventui pro dicto presenti anno assignationem fieri in damnum nostre curie duplicatum, ipsa nostra curia vobis super hoc totaliter inherente vosque predicti magne camerarie, vel locumtenens ac magistri dicte cabelle salis Principatus et Terre Laboris presentes similiter et futuri non impediatis in aliquo assignationem eamdem, immo iamdictos fundicarios, cabellotos, seu credencerios ad illam, sicut predicitur, faciendam pro quibuslibet oportuna et debita favorabilia que iuris remedia, que ad id expedire videritis arctius compelletis. Presentes autem licteras post oportunam inspectionem earum transumpto ipsarum, quos predictos fundicarios, cabellotos, seu credencerios in publica forma recepto pro cautela restitui volumus presentanti, premisso modo, efficaciter inantea valituras. Datum Neapoli in camera nostra, anno Domini MCCCLXXXII, die XIII iunii V indictionis, regnorum nostrorum anno secundo. Bibliografia Archivio di Stato di Napoli, rchivio della ricostruzione della cancelleria angioina S. Sicola, epertorium septimum regni Caroli III f. 98 a t. (not.); ivi, O. Sicola, epertorium monasteriorum vol. I, f. 97 (not.); ivi, M. Chiarito, epertorium et index regesti Caroli III signati 1382 et 1383 f. 48 a t. (not.); ivi, M. Chiarito, Diplomata et nonnullae scripturae recollectae et partim exemplatae , rep. 48, ff. 8-9 a t. (trasc.); Società napoletana di storia patria, Carte Ricciardi , b. 1, n° 5 Segnatura precedente Reg. 358, f. 306