Archivio Storico, enti

Titolo LXXI.56 Integrazione del titolo Indizione VIIIData 1295 mar. 06 Indizione VIII Luogo MarzoPersone Carlo II d'Angiò [re] Orsini, Napoleone [cardinale diacono di S. Adriano] Orsini, GiacomoOrsini, Napoleone [milite] Pietro [vescovo di Vienne] Napoli (di), Nicola [arcidiacono di Messina] Griffulo (de), Nicola di Francesco - Roma [giudice] Capua (di), Bartolomeo [milite, protonotaro del Regno, maestro razionale della regia curia] Enti GerusalemmeSiciliaPugliaCapuaProvincia e ForcalquierDescrizione Carolus secundus Dei gratia rex Ierusalem, Sicilie, ducatus Apulie et principatus Capue, Provintie et Folcalquerii comes. Universis presens privilegium inspecturis, presentibus et futuris. Principalis benignitas eiusque gratie plenitudo sic debat eructare fecundius, ut non solum merentes amplectatur et meritos, sed de ipsorum charitate particeps fluvius derivetur. Considerantes itaque grandia, grata et accepta servitia, nec minus promotionum, consiliorum et prosequtionum presidia, quibus reverendus in Christo pater dominus Neapolio, Dei gratia Sancti Adriani diaconus cardinalis, noster specialis amicus, nos, nostra nostrorumque negotia in Romana curia, quoties necessitas afluit adiuvare ac fovere satagit, non immerito suos in eodem munificentie nostre rependiis gratificare decrevimus et per illa, que possumus, retributionum accomodo peraugere. Igitur paesentis tenore privilegii notum sit omnibus, quod medietatem castri Tallacoczii, pro diviso, vel indiviso, sicut per consortes presentialiter possidetur, et eam partem rocce, que medietatem ipsarum contigerit pro curia portione sita in iustitiariatu Aprutii, ad manus nostre curie rationabiliter devolutam cum hominibus, vassallis, casalibus, redditibus, servitiis, domibus, possessionibus et vineis, terris cultis et incultis, planis, montibus, pratis, nemoribus, pascuis, molendinis, aquis aquarumque decursibus, tenimentis, territoriis ac aliis iuribus, iurisdictionibus et pertinentiis suis omnibus, que, videlicet, de demanio in demanium et que de servitio in servitium Iacobo filio quondam Neapolionis de Filiis Ursi militis sororio dicti domini cardinalis et suis heredibus utriusque sexus ex suo corpore legitime descendentibus, natis iam et etiam nascituris in perpetuum pro valore annuo unciarum auri quatraginta et intuitu dicti domini cardinalis de novo damus, tradimus, donamus et ex causa donationis propriis motus instinctu concedimus in feudum nobile de liberalitate mera, et gratia spetiali iuxta usus et consuetudines regni nostri Sicilie, ac generalis et humane nostre sanctionis edictum de feudorum successionibus in favorem comitum et baronum omnium dicti regni nostri Sicilie a tempore felicis adventus clare memorie regis incliti domini nostri genitoris in ipsum, comitatus, baronias et feuda ibi ex perpetua collatione tenentium, et in parlamento celebrato Neapoli divulgatum, ita tamen quod dictus Iacobus et heredes eius pro dicta medietate ac rocca eiusdem castris Tallacotii nobis nostrisque in dicto regno heredibus et successoribus servire teneatur inmediate et in capite de duobus servitiis militaribus ad rationem de unciis auri viginti valoris annui pro servitio uniuscuiusque militis secundum quod est de usu et consuetudine dicti regni, quod servitium dictus Iacobus in nostri presentia constitutus, bona et gratuita voluntate sua pro se et dictis suis heredibus nobis, et dictis nostris heredibus et successoribus facere obtulit et promisit, ita etiam quod si qui sunt, quibus predictus dominus pater noster, vel nos aliqua bona, possessiones, seu iura in dictis medietate ac rocca, vel infra ipsorum tenimenta concessimus, ipsa in capite teneant, prout eis concessa fore noscuntur, nec etiam respondeatur eidem Iacobo, et heredibus suis per barones et feudatarios, si qui sunt in ipsis medietate, et rocca, nisi de hiis, tantum que inter eas forte tenent aliqui eorundem quorum, si qui sunt, qui servire in capite nostre curie teneantur in nostro demanio et dominio reserventur, retentis etiam curie nostre salmis et iuribus marinarie et lignaminum, si qua sunt, aut debentur in medietate et rocca predictis, que omnia eiusdem regni demanio ex antiquo pertinentia in eodem demanio volumus retineri, animalia insuper et equitature aratiarum, marescallarum et massariarum nostrarum pascua et aquam sumere libere valeant in territorio et pertinentiis dictarum medietatis et rocce et si forte ipsius medietatis et rocce tenimenta, seu pertinentie, protenderentur usque ad mare, reserventur nobis et dictis nostris heredibus et successoribus possessio, dominium, ius et proprietas totius littoris et maritime pertinentiarum ipsarum in quantum a mari infra terras per iactum baliste dicte pertinentie protenduntur, quam maritimam per homines nostri demanii volumus custodiri, investientes dictum Iacobum per anulum nostrum de medietate et rocca predictis, modo prefato, itaque tam ipsi, quam dicti heredes sui, castri ipsius medietatem et roccam a nobis nostrisque in dicto regno heredibus et successoribus perpetuo et in capite teneant et possideant nullumque alium, preter nos, heredes et successores nostros predictos superiorem et dominum exinde recognoscant, pro quibus quidem medietate ac rocca idem Iacobus nobis ligium homagium et fidelitatis prestitit iuramentum, retentis etiam nobis et dictis nostris heredibus ac successoribus iuramentis fidelitatis prelatorum, baronum et feudatariorum, si qui sunt ibidem, ac universorum hominum dictarum medietatis et rocce, que nobis ac dictis nostris heredibus ac successoribus iuramentis ac fidelitatibus, precise contra omnem hominem prestabuntur, quibus prestitis idem Iacobus, et heredes sui assecurabuntur ab ipsis prelatis, baronibus, feudatariis et hominibus iuxta usum et consuetudinem dicti regni, salvis semper nobis ac ipsis nostris heredibus et successoribus iuramentis et fidelitatibus supradictis, retentis etiam curie nostre in predictis medietate et rocca causis criminalibus, pro quibus corporalis pena mortis, videlicet, vel amissionis menbrorum, aut exilii debebit inferre, collectis quoque dictarum medietatis et rocce castri predicti hominibus imponendis per nostram curiam, que utique integraliter et libere per ipsam curiam exigentur, moneta etiam generali, que pro tempore de mandato curie nostre cudetur in regno predicto, quam et non aliam universi de predictis medietate et rocca recipient et expendent, defensis insuper, que a quibuscumque personis sub invocatione nostri nominis dictarum medietatis et rocce hominibus imposite fuerint et contempte quarum cognitio et castigatio ad solam nostram curiam pertinebat, collationibus preterea feudorum quaternatorum, sive gentilium vacantium pro tempore ibidem, sive propter commissum per barones et feudatarios dictorum medietatis et rocce crimen hereseos, aut lese maiestatis, sive pro eo quod absque legitimis heredibus, barones et feudatarii ipsi decesserint, que utique feuda per nos ac nostrorum in eodem regno heredes et successores cuiuscunque voluerimus conferentur, ita tamen quod dictus Iacobus et heredes eius habeant in feudis ipsis assignationem possessionis eorum ad mandatum nostrum per ipsos hiis, quibus concessa fuerint, faciendam habeantque relevium, servitium et iura, que ab illis, qui antea feuda ipsa tenuerant, debebantur, nisi forsan dictus Iacobus et heredes sui a nobis et predictis nostris heredibus et successoribus prenominati, negligentes extiterint in gravando huiusmodi barones et feudatarios, hereticos, seu rebelles, in quo utique casu videlicet, si premoniti in illis gravandis negligentes extiterint dominium, ius et proprietas feudi heretici, seu rebellis, libere ad nostrum dominium et demanium devolvantur, salvis nihilhominus servitiis nobis exinde debitis secundum usum et consuetudinem dicti nostri Sicilie regni, et omnibus quibuslibet aliis, que curie nostre ratione maioris dominii in dictis medietate et rocca debentur, prout habemus ea et habere debemus in terris et locis aliis dicti regni, ipsius maioris dominii ratione, salvis etiam usibus et consuetudinibus aliis regni predicti ac iuribus curie nostre et alterius cuiuscunque benefitiis etiam cappellaniarum, si qua sunt, sub eisdem medietate et rocca castri Tallacotii sepefati ac ipsarum collationibus nobis et nostris heredibus reservatis, nostre insuper curie reservato, ut quia dictum castrum est positum circa regni confinia, si dictus Iacobus, seu eius heredes, vel procuratores ipsorum per idem castrum, seu eius pertinentias, equorum aliorumve animalium, seu prohibitorum quorumlibet transitum ad exitum extra regnum in fraudem nostre curie fecerint, aut fieri quomodolibet permittent, liceat nobis et dictis nostris heredibus ac successoribus nostris in penam dicti excessus eorum castrum ipsum et roccam cum hominibus, iuribus et pertinentiis suis omnibus ad manus nostre curie revocare et de ipso facere quicquid nostre placuerit maestati. In cuius rei fidem perpetuamque memoriam ac dicti Iacobi et heredum suorum cautelam, presens privilegium exinde fieri et pendenti sigillo maestatis nostre iussimus communiri. Actum Aquile, praesentibus viro venerabili fratre Petro episcopo Venciensis dilecto consiliario, familiari et fideli nostro, magistro Nicolao de Neapoli archidiacono Messanensis et iudice Nicolao Francisci de Griffulo de Urbe ac pluribus aliis, anno Domini 1294, die 12 septembris 8e indictionis. Datum vero Rome per manus Bartolomei de Capua militis, prothonotarii regni Sicilie, magne nostre curie magistri rationalis, anno Domini millesimo ducentesimo nonagesimo quinto, die sesto mensis martii octave indictionis, regnorum nostrorum anno undecimo. Feliciter. Amen. Simile privilegium factum est sibi sub bulla aurea. Segnatura precedente Reg. 1295 A, f. 54 a t.Altre copie Archivio Capitolino di Roma, "Fondo Orsini", vol. 478 B, ff. 7-14.